Биографија
Мимоза Ќека, родена во Скопје, е реномирана македонска пијанистка, која на 26-годишна возраст се стекнува со титулата Доктор по музичка уметност при Универзитетот ,,Св. Кирил и Методиј’’ во Скопје. Во рамки на интерпретацискиот дел од докторската дисертација премиерно ја изведува Соната за пијано оп. 26 од Самуел Барбер и премиерно интегрално го изведува циклусот ,,Огледала’’ од Морис Равел и ,,Во маглите’’ од Леош Јаначек, а во рамки на научно-истражувачкиот дел од докторската дисертација го објавува трудот ,,Употребата на дигиталните технологии во квантитативната анализа на пијанистичката интерпретација’’. Врз нејзиниот професионален и уметнички развој силно влијаaт повеќемина исклучителни уметници вклучително маестра Лилија Зилберштајн, под чие менторство ги завршува магистерските студии и се стекнува со диплома Магистер по музичка уметност.
Пијанистката Ќека настапува како рецитален уметник, како член на камерни ансамбли, пијано дуо и со симфониски оркестри. Нејзините интернационални гостувања вклучуваат концерти и солистички рецитали во Прага, Рим, Париз, Милано, Трст, Сиена, Бристол, Њујорк и Истанбул. Настапува на музичките фестивали ,,Siena Summer Festival”, на Интернационалниот франкофонски фестивал ,,Soleil”, a редовно настапува и на домашната сцена на фестивалите ,,Охридско лето” ,,Есенски Музички Свечености’’ ,,Златна Лира” и ,,Денови на македонска музика’’. За неа музичката критика ќе забележи ,,..Нејзината изведба се одликува со јасна и сугестивна творечка имагинација, со прецизно изработен динамички, артикулациски и ритмички план и извонредно изградена пијанистичка техника…’’ ,,..Ќека фасцинира со емоционалната и физичка сила, а вулканската природа – очигледен столб врз кој таа со необјасниво лесен пристап ја совладува Листовата генијална уметничка природа… “. Нејзиниот репертоар се протега од барок до современи автори, изведувајќи широк спектар на музички дела. Во 2022 година, Мимоза Ќека го издава својот соло албум Non-Fungible со музика од Бах, Скрјабин и Барбер.
Пијанистката Ќека е носител на високи државни и меѓународни награди на натпревари во Италија, Франција, Србија, Босна и Херцеговина и има настапувано на голем број мастер класи во престижни музички академии меѓу кои Академија Киџана во Италија. Во 2019 година таа учествува во проектот TEME (Транснационален Европски Музички Претприемач) во Италија, дел од програмата Music Moves Europe.
Издвоени концерти и солистички рецитали
2024, 2. Ноември | Пијано дуо концерт во Културно-Информативен Центар Скопје
2024, 1. Ноември | Камерен Концерт, Музичка Приказна – Јохан Себастијан Бах
2024, 31. Август | Пијано дуо концерт на Фестивал Денови на Јосип Кашман во Мали Лошињ, Хрватска
2023, 29. Август | Солистички Рецитал во Истанбул
2023,16. Август | Солистички Рецитал на Фестивал Охридско Лето
2023, 06. Јуни | Рецитал за Две пијана и четирирачно пијано во Филхармонија Скопје, Концерт ,,ФИДАН” сезона 2022/2023
2023, 01. Јуни | Камерен концерт – Вокално студио, концертна сала на ФМУ Скопје
2022, 17. Декември | Празнична Рапсодија бр. 3 во Филхармонија Скопје
2022, 16. Септември | Пијано дуо рецитал во Прага
2022, 04. Септември | Пијано дуо рецитал во Битола
2022, 03. Септември | Пијано дуо рецитал во Скопје
2022, 03. Септември | Солистички рецитал на Мимоза Ќека во Скопје
2022, 03. Јуни | Концерт на класата по Вокално студио, Фоаје на Опера и Балет во Скопје
2022, 15. Јуни | Солистички рецитал на Мимоза Ќека во Њујорк САД
2021, 14. Декември | Новогодишен камерен концерт – пијано дуо рецитал Рапсодија во Малата сала на Филхармонија во Скопје
2021, 1. Декември | Камерен концерт – пијано дуо рецитал во Салон 19,19
2021, 29. Ноември | Концерт на пијано дуо во НУЦК Трајко Прокопиев Куманово
2021, 18. Март | Солистички Концерт на Мимоза Ќека во Салата на Филхармонија во Скопје
2021, 11. Јануари | Солистички рецитал на Мимоза Ќека во Музеј на македонската борба
2019, 21. Декември | Новогодишен дуо рецитал во Малата сала на Филхармонија во Скопје
2019, 18. Ноември | Солистички и камерен концерт на Мимоза Ќека на Есенски музички свечености 2019
2019, 15. Ноември | Камерен Концерт на манифестација Нов културен Бран 2019 година во Безистен Штип
2019, 19. Септември | Дуо рецитал на Concerti del Tempietto во Рим
2019, 15. Септември | Дуо рецитал на Музички недели во Париз
2019, 22. Јуни | Солистички Рецитал, Работилница на Факултет за музичка уметност – Скопје
2019, 26. Февруари | Концерт во рамки на пролетна концертна сезона на Бристол Музички клуб, целовечерен дуо рецитал во Бристол, Обединето Кралство
2018, 07. Декември | Концерт со сопран Деспина Спировска на ФМУ- Скопје
2018, 06. Декември | Концерт со Контемпора на ФМУ-Штип
2018, 03. Ноември | Целовечерен дуо рецитал со Јована Трајчева- Есенска бајка, Хуманитарен за СОС Детско Село- Македонија
2018, 15. Октомври | Рецитал во рамки на манифестација ,,Нов културен бран 2018’’ со сопран Деспина Спировска
2018, 18. Септември | Солистички рецитал на Фестивал ,,Concerti del Tempietto’’ Театро Марчело, Рим, Италија
2018, 18. Мај | Настап на лауреати на Фестивал ,, Акордеон Арт Плус’’ Сараево, БиХ
2017, 24. Декември | Концерт со КонТемпора во Скопје
2017, 25.Октомври | Солистички Рецитал на Фестивал Златна Лира, Скопје
2017, 02. Октомври | Настап во рамки на Societa Umanitaria, Milano, Italy
2017, 09.Август | Настап на фестивал Siena Summer Festival, Siena Palazzo Chigi Saracini
2017, 29. Јули | Настап на фестивал Siena Summer Festival, во Punta Alla
2017, 22.Јуни | Учество во мултимедијален проект на КИЦ Скопје ,, Ако влегуваш во овој храм во кој љубовта е вера, помоли се!’’
2017, 19.Јуни | Солистички Концерт, магистерски испит, Изведба на концерт за пијано и оркестар бр. 2 – П. И. Чајковски
2017, 05.Јуни | Солистички Рецитал на Интернационален Фестивал на Франкофонијата ,, Солеј’’ во Созопол, Бугарија
2017, 03.Февруари | Солистички Рецитал во Музеј на Град Скопје, магистерски испит
2016, 03.Ноември | Солистички Рецитал на Фестивалот Есенски Кавадаречки вечери 2016
2016, 09.Август | Настап на Siena Summer Festival- Space in Sound, Palazzo Chigi- Saracini, Siena, Italy
2016, 04.Август | Настап на Siena Summer Festival- Space in Sound, Pieve di San Giovanni Battista (Ponte allo Spino), Sovicille, Italy
2016, 08.Јули | Концерт на Прилепско Културно Лето
2016, 07.Јули | Концерт на пијано дуо- НУ Завод и Музеј, Битола
2016, 01.Јули | Концерт на пијано дуо- Музеј на Град Скопје
2016, 30.Јуни | Концерт на пијано дуо- Ликовен Салон- Велес
2016, 26.Март | Концерт на пијано дуо- Дом на Култура ,, Иван Мазов – Климе’’- Кавадарци
2016, 25.Март | Концерт на пијано дуо- Хотел Аполонија, Гевгелија
2015, 01.Август | Настап на Siena Summer Festival- Il classico Inatesso
2015, 03.Јули | Солистички Концерт, дипломски испит, Изведба на концерт за пијано и оркестар бр.2 – Франц Лист
2015, 18.Јуни | Солистички Рецитал, дипломски испит, Музеј на град Скопје
2015,03-07 Април | настап на Интернационален фестивал и натпревар на млади таленти, Монтрон ле Бен, Франција
2014, 10.Ноември | настап на Есенски музички свечености, вечер на македонски композитори
2014, 02.Јуни | Концерт на камерни ансамбли- изведба на Карневал на животните – К. Сен-Санс со маестро Сашо Татарчевски
2014, 14.Maj | Концерт на класата по корепетиција, проф. Доц. Татјана Огнаноска
2014, 05.Февруари | Настап на концерт во чест на Гоце Коларовски
2013, 17.Септември | Солистички Рецитал во рамки на циклус концерти на КИЦ- Скопје ,, Доаѓаме’’
2013, 08.Мај | Концерт на камерна музика, класа на камерна музика Musica Viva
2013, Април | Промоција на носач на звук при катедрата за Сонологија, ФМУ- СКОПЈЕ
2013, 22.Април | Солистички концерт со симфониски оркестар на ФМУ, концерт за пијано и оркестар бр.2 Сен-Санс под диригентство на маестро Саша Николовски- Ѓумар
2013, 08.Април | Концерт на Денови на Македонска Музика
2012, 18.Ноември | настап на Есенски музички свечености, вечер на македонски Композитори
2012, 23.Октомври | настап на Златна лира
2012,16.Септември | ,,Мusica Viva’’Настап на Концерт по повод Свечен прием на студенти
2011, 23.Ноември | Настап Концерт во чест на Франц Лист
Написи
„Нејзината изведба се одликува со јасна и креативна имагинација, со прецизно изработена динамика, артикулација, ритам и исклучително добро изградена пијанистичка техника…”
– Докторска комисија на Универзитетот Св. Кирил и Методиј, Факултет за музичка уметност – Скопје. Билтен на УКИМ (2021, 1 јуни).
„Честитки до Мимоза Ќека, вистинска оркестарска уметничка соработничка, за високо професионален и инспиративен концерт, која целосно ги долови сите суптилности на вокалниот ансамбл, комбинацијата на тембри, емоции, интонација, уметност, но и за огромниот професионален предизвик.”
– Проф.д-р Викторија Коларовска Гмирја (2022, јуни)
„Пијанист со завидна виртуозност, јасен и многу прецизен ум и висок степен на сценска стабилност.“
– Анастасова Чадиковска, С. Боите на мојата музика. Музички издавачки центар Скопје. (2023).
„И навистина се случи една ноќ исто како бајка. Неверојатен концерт полн со емоции и совршено изведени класични дела од Рахманинов, Чајковски и Равел“
– СОС Детско село Скопје (2018, ноември)
„Уникатен рецитал на пијанистката Мимоза Ќека“
– Фестивал Охридско лето (2023, август)
„Камерна кохезија на сцената“
– Филхармонија Скопје (2023, јуни)
„Пијанистката Ќека приреди емотивна ноќ со својата музика“
– Агенција Анадолу, (2023, август)
,,Ќека, фасцинира со емоционалната и физичката сила
кои очигледно ѝ се најсилната пареа суверено да се справи со многу напорните дела, овојпат со импозантната соната во h-moll на големиот Франц Лист.., која ја совлада со необјасниво лесен пристап кон генијалната уметничка природа на Лист. .“
,,..тој возвишен уметнички чин на видливо изложување на многу детално изведена музичка партитура за Мимоза Ќека беше очигледна, таа со сопствен уметнички фанатизам го победи тој предизвик на грандиозниот Лист наречен ужасната соната во h-moll, на која ни поискусните пијано мајстори не се приближуваат бидејќи е навистина претешка за изведба. .“
– Наумова Томовска, В. (2017, октомври). Музички критичар во Сојузот на музички уметници СМУМ. Скопје: Фестивал Златна лира, Публикација на СМУМ.
Хуманитарна дејност
Мимоза отсекогаш била длабоко посветена на филантропијата. Една од нејзините забележителни иницијативи беше во 2018 година кога таа организира и одржа хуманитарен концерт за СОС Детско село Скопје.
Ми причинува огромна радост да споделам дека овој настан беше навистина успешен, со тоа што ги обедини и музичките ентузијасти за да ја поддржат оваа благородна кауза. Концертот не само што ја покажа моќта на музиката да ги обедини срцата, туку имаше и значајно влијание врз животите на оние на кои сакавме да им помогнеме.
Издвоени проекти
ПРОЕКТ NON-FUNGIBLE
Албумот Non Fungible е создаден како резултат на концертна изведба во живо на избор на дела од Скриабин, Барбер и Бах, секој од нив поседува посебен и непогрешлив идентитет. Овие музички дела се внимателно избрани поради нивните уникатни карактеристики и предизвикот што го претставуваат, што ги прави хармоничен, но разновиден спој на композиции.
Изведбата е создадена од инспирацијата да се спојат различни музички дела од композитори од различни музички епохи и стилови, со цел да се создаде препознатливо и хармонично музичко искуство. Секоја композиција на овој албум е избрана за да ја изнесе единствената убавина што се појавува кога се спојуваат различни музички идеи.
На концертните настапи во живо, овој проект останува енергичен бидејќи уметникот внимателно прави избор на дела кои имаат длабоко лично и незаменливо значење. Овој изведбен проект ги вклучува, но не е ограничен на следниве музички дела: J. S. Bach – Toccata in E-minor BWV 914, A. Scriabin Sonata Fantasy No.2, Op. 19, G-sharp Minor , S. Barber – Sonata op. 26 во Е-flat minor. Секоја изведба е доказ за посветеноста на уметникот да ја зачува суштината на овие избрани композиции, создавајќи навистина незаборавно и единствено искуство за публиката.
Линк до проектот:
ПРОЕКТ ПРАЗНИЧНА РАПСОДИЈА
Празнична рапсодија е проект кој ги обединува музичките ентузијасти и познавачите на музиката на серија концерти со цел да донесат празнична атмосфера преку брилијантните мелодии на класичните композитори.
Секоја година овој проект има нова тематска авантура. Без разлика дали се работи за соло изведба на пијано со мелодии на Чајковски или динамична камерна музика со музиката на Бетовен и Дворжак, посветеноста на различноста и иновациите останува непоколеблива.
Првиот концерт на проектот „Празнична рапсодија“ се одржа во декември 2019 година.
Патувањето на „Празничната рапсодија“ не само што опстојува, туку и се стреми да ги прошири своите хоризонти. Посветени сме на тековното истражување на нови места, нови концертни сали и простори, креирање свежи и возбудливи програми и негување на нови соработки.
Линк до проектот:
Екстерни линкови со видеа од концерти
Постери и програми од концерти
Интервјуа
Написи во весници
